Historia mes Kejsit dhe Ines në Big Brother VIP Albania ishte ndër më të komentuarat e këtij edicioni, por lidhja e tyre përfundoi menjëherë pas daljes nga shtëpia.

Së fundmi, motra e Kejsit ka dhënë detaje të reja gjatë një interviste në Top Albania Radio, ku ka sqaruar arsyet e kësaj ndarjeje që bëri bujë në rrjet.

E pyetur nga moderatorja Elona Duro, ajo tregoi se në momentin kur Kejsi doli nga formati, familja po kalonte një situatë të vështirë për shkak të problemeve shëndetësore të babait të tyre.

Sipas saj, kjo situatë u kthye në prioritet absolut, duke bërë që çdo çështje tjetër, përfshirë marrëdhënien me Ines, të lihej në plan të dytë.

Sa i përket komunikimit mes tyre, ajo pranoi se ka pasur vetëm një kontakt të vetëm pas daljes nga shtëpia: Kejsi e ka uruar Ines për lindjen e djalit, ndërsa ai është interesuar për gjendjen e babait të tij.

Në fund, motra e tij theksoi se mbështet plotësisht çdo vendim të Kejsit, duke lënë të kuptohet se kjo histori tashmë i përket së shkuarës dhe nuk pritet të ketë zhvillime të tjera.