Kryeministri i sapo zgjedhur i Hungarisë, Peter Magyar, ka deklaruar se është jashtë çdo diskutimi pranimi i Ukraina në Bashkimi Evropian për sa kohë vendi ndodhet në luftë.

Në një konferencë për shtyp në Budapest, një ditë pas fitores së thellë të partisë së tij Tisza në zgjedhjet parlamentare, Magyar theksoi se qëndrimi i forcës politike që ai drejton ka qenë i pandryshuar për këtë çështje.

“Ky është një vend në luftë, është jashtë diskutimit që Bashkimi Evropian të pranojë një vend në luftë. Nëse Ukraina do të bashkohej, një referendum do të mbahej në Hungari, por nuk mendoj se kjo do të ndodhë as në dhjetë vitet e ardhshme”, u shpreh ai.

Magyar shtoi se një tjetër kusht për përmirësimin e marrëdhënieve me Ukrainën është rivendosja e të drejtave të pakicës hungareze në këtë vend.

Sa i përket raportit me Rusinë, ai deklaroi se nuk do të zhvillojë një bisedë telefonike me presidentin Vladimir Putin, ndërsa theksoi se Ukraina mbetet viktimë e konfliktit.