Gjykata e Posaçme ka vendosur të lërë në fuqi masën e sigurisë “arrest në burg” për katër personat e dyshuar për rrëmbimin dhe vrasjen e Renis Dobra.

Vendimi prek shtetasit Petrit Çakraj dhe tre vëllezërit Aleksandër Bushgjokaj, Kristi Bushgjokaj dhe Fatjon Bushgjokaj.

Sipas trupit gjykues, nuk ka asnjë rrethanë të re apo bazë ligjore që të justifikojë ndryshimin e masës së sigurisë, duke bërë që të akuzuarit të vijojnë të qëndrojnë në izolim.

Si pasojë, katër të dyshuarit do të mbeten në burg deri në përfundim të hetimeve për këtë ngjarje të rëndë kriminale.