Vlorë – Policia ka arrestuar tre shtetas pas një ngjarjeje të ndodhur në lagjen “Hajro Çakërri”, ku një 35-vjeçar është kanosur dhe dhunuar brenda automjetit të tij.

Sipas njoftimit zyrtar, të arrestuarit janë Xh. I., K. H. dhe M. Z., të moshave 31, 34 dhe 20 vjeç, banues në Vlorë.

Nga hetimet paraprake dyshohet se tre të rinjtë kanë kanosur me një pistoletë sportive shtetasin L. S., 35 vjeç, i cili ndodhej në automjet, duke tentuar më pas ta nxirrnin me forcë dhe duke e goditur me grushte dhe me tytën e armës.

I dëmtuari ka marrë ndihmë mjekësore dhe ndodhet jashtë rrezikut për jetën.

Gjatë kontrolleve, policia ka sekuestruar pistoletën sportive të dyshuar si mjeti i përdorur në ngjarje, si dhe automjetet e përfshira në rast.

Materialet i janë referuar Prokurorisë pranë Prokuroria e Vlorës, ndërsa ndaj të arrestuarve rëndojnë akuzat për kanosje, plagosje të rëndë me dashje dhe mbajtje pa leje të armëve sportive.