Policia e Tiranës ka raportuar një rast të rëndë, ku një 44-vjeçar është gjetur i pajetë pranë banesës së tij në kryeqytet.

Sipas të dhënave paraprake, dyshohet se shkaku i vdekjes mund të ketë qenë arrest kardiak.

I ndjeri, i identifikuar me inicialet E. H., është konstatuar pa shenja jete nga kalimtarë pranë hyrjes së pallatit ku banonte. Menjëherë është njoftuar policia dhe shërbimet emergjente, të cilat kanë mbërritur në vendngjarje, por vetëm kanë konstatuar vdekjen.

Trupi i pajetë është transportuar për ekspertizë mjeko-ligjore, ndërsa autoritetet po vijojnë procedurat për sqarimin e plotë të rrethanave.

Rastet e arrestit kardiak po raportohen gjithnjë e më shpesh edhe te persona në moshë relativisht të re, ndërsa mjekët apelojnë për kontrolle të rregullta shëndetësore dhe kujdes ndaj faktorëve të rrezikut.