Ish-drejtoresha e Agjencia Kombëtare e Shoqërisë së Informacionit, Mirlinda Karçanaj, ka bërë rekurs në Gjykata e Lartë, duke kërkuar heqjen e masës së sigurisë “arrest shtëpie”.

Sipas procedurës së shortit, kërkesa do të shqyrtohet nga gjyqtari Genti Shala.

Karçanaj, e cila ka drejtuar për vite me radhë institucionin përgjegjës për menaxhimin e projekteve të teknologjisë dhe fondeve publike, u mor e pandehur dhe u vendos në arrest shtëpie së bashku me zëvendësdrejtoreshën Hava Delibashi.

Në të njëjtën çështje, tre biznesmenë – Andis Papa, Gëzim Hoxha dhe Rogers Rryta – janë lënë në masën e sigurisë “ndalim i largimit nga vendi”.

Sipas hetimeve, Karçanaj akuzohet për “shkelje të barazisë në tendera”, e kryer në bashkëpunim në kuadër të një grupi të strukturuar kriminal. Në dosje përmenden edhe Ergys Agasi dhe Ermal Beqiri, ky i fundit i lidhur me kompaninë Soft & Solution, e cila rezulton të ketë përfituar miliona euro nga prokurimet publike.

Ndaj ish-drejtoreshës rëndojnë disa akuza të rënda, përfshirë pjesëmarrjen në grup të strukturuar kriminal dhe kryerjen e veprave penale në kuadër të tij. Vendimi i Gjykatës së Lartë pritet të përcaktojë nëse masa e sigurisë ndaj saj do të ndryshojë.