Ylli argjentinas Lionel Messi mund të nisë një kapitull të ri, këtë herë jashtë fushës së lojës. Sipas një postimi nga gazetari i njohur Fabrizio Romano, Messi është pranë blerjes së klubit spanjoll UE Cornellà, që aktualisht garon në divizionin e tretë në Spanjë.

Sipas këtij raportimi, Messi pritet të marrë në pronësi të plotë (100%) klubin me bazë në Katalonjë, duke investuar në një projekt afatgjatë për zhvillimin e futbollit dhe ndërtimin e një “vizioni të ri” për të ardhmen e skuadrës.

Ky hap do të shënonte një fazë të re në karrierën e tij, pasi Messi duket se po eksploron mundësi investimi në futboll edhe përtej rolit si lojtar.

Megjithatë, deri në këto momente nuk ka një konfirmim zyrtar as nga vetë Messi dhe as nga klubi, çka e lë lajmin ende në kuadër të raportimeve të rrjeteve sociale. Zhvillimet e mëtejshme pritet të qartësojnë nëse kjo marrëveshje do të konkretizohet.