Ish-konkurrentja e Ferma VIP, Gloria Meshi, ka reaguar pas zjarrit që përfshiu një pallat shumëkatësh në Tiranë, duke konfirmuar se ka qenë banore në atë ndërtesë gjatë ngjarjes.

Në një postim në rrjetet sociale, ajo ka bërë të ditur se ajo dhe familja e saj janë në gjendje të mirë, duke falënderuar ndjekësit për mesazhet dhe shqetësimin.

“Përshëndetje, faleminderit për çdo mesazh që më keni dërguar për zjarrin e rënë. Unë dhe familja ime jemi mirë, faleminderit Zotit…”

Ajo shton se për shkak të dëmeve të shkaktuara nga zjarri, do të jetë e pamundur të vijojë aktivitetin e saj online për disa ditë, përfshirë bashkëpunimet e planifikuara.

Në një tjetër reagim, Meshi ka vlerësuar ndërhyrjen e shërbimeve të emergjencës, duke theksuar rrezikun me të cilin janë përballur zjarrfikësit dhe policia gjatë operacionit.

“Kam parë lajme e komente për zjarrfikës e punonjës policie, por askush s’e di se sa kanë rrezikuar jetën… 7 prej tyre u asfiksuan dhe shkuan në urgjencë…”

Sipas saj, situata ka qenë shumë e rëndë për shkak të flakëve të forta dhe tymit të dendur, ndërsa ka kërkuar më shumë vlerësim për punën e shërbimeve të emergjencës.

Ngjarja në Tiranë shkaktoi dëme të konsiderueshme materiale dhe ndërhyrje të gjerë të forcave zjarrfikëse dhe policisë.