Kryeministri hungarez në largim Viktor Orbán ka reaguar pas humbjes së rëndë në zgjedhje, duke pranuar nevojën për ndryshime të thella brenda partisë së tij pas një periudhe 16-vjeçare në pushtet.

Në një intervistë të transmetuar drejtpërdrejt në YouTube, Orbán u shpreh se mënyra e funksionimit të deritanishëm nuk mund të vazhdojë dhe se kërkohet një riorganizim i plotë i forcës së tij politike.

“Është e nevojshme një rifreskim i plotë, jo vetëm për Fidesz, por për të gjithë krahun nacionalist,” deklaroi ai.

Zgjedhjet u fituan nga rivali i tij Péter Magyar, i cili udhëhoqi një fushatë me profil konservator dhe pro Bashkimit Europian, duke siguruar një shumicë të fortë në parlament.

Sipas rezultateve, partia e tij ka arritur të marrë një shumicë prej dy të tretash, në një proces zgjedhor me pjesëmarrje të lartë të qytetarëve.

Humbja e Orbán konsiderohet një kthesë e rëndësishme politike në Hungari, duke sinjalizuar një ndryshim të mundshëm të drejtimit politik të vendit pas më shumë se një dekade e gjysmë dominimi të Fidesz.