Presidentja e Komisionit Evropian, Ursula von der Leyen, ka reaguar pas njoftimit për armëpushimin 10-ditor mes Izraelit dhe Libanit, të shpallur nga presidenti amerikan Donald Trump.

Në një postim në platformën X, ajo e ka cilësuar zhvillimin si një moment lehtësimi, duke theksuar koston e lartë njerëzore të konfliktit.

“Ky është një lehtësim, pasi ky konflikt ka marrë tashmë shumë jetë”, shkruan Von der Leyen.

Ajo shton se ky hap duhet të shërbejë si bazë për një proces më të gjerë që çon drejt paqes së qëndrueshme në rajon.

Ndërkohë, sipas deklaratave të mëparshme të Trump, zëvendëspresidenti JD Vance dhe sekretari i Shtetit Marco Rubio pritet të angazhohen me palët për të avancuar drejt një marrëveshjeje afatgjatë paqeje mes dy vendeve.