Ministria e Punëve të Jashtme e Indisë ka njoftuar se dy anije me flamur indian, të cilat transportonin naftë bruto, janë sulmuar gjatë kalimit në Ngushticën e Hormuzit, një nga korridoret më strategjike të transportit detar në botë.
Pas incidentit, ambasadori iranian në Nju Delhi Mohammad Fattali u thirr në një takim nga ministri i Jashtëm indian Vikram Misri, ku pala indiane shprehu shqetësim të thellë për ngjarjen dhe kërkoi sqarime zyrtare.
Sipas njoftimit, gjatë takimit India i kërkoi Iranit të ndërmarrë hapa për të garantuar sigurinë e kalimit të anijeve tregtare në këtë zonë strategjike dhe të lehtësojë lundrimin e sigurt të mjeteve me destinacion portet indiane.
Autoritetet indiane kanë theksuar se incidenti në Ngushticën e Hormuzit përbën një rrezik serioz për sigurinë detare dhe furnizimet globale me energji, duke kërkuar që kanalet diplomatike të përdoren për shmangien e përshkallëzimit të situatës.
Ngjarja mbetet nën hetim, ndërsa pritet reagimi zyrtar i autoriteteve iraniane mbi incidentin e raportuar.
