Vehad Muric, 25 vjeç, është arrestuar nga policia si autori i dyshuar i vrasjes së trefishtë të ndodhur këtë të martë në Podgoricë.

Sipas autoriteteve, i riu dyshohet se ka vrarë dy vëllezërit shqiptarë, Denis Hoti dhe Nezrin Hoti, si dhe Kenan Miraljemović, me origjinë nga Serbia.

Ndaj tij rëndon akuza për veprën penale “vrasje e rëndë”, ndërsa pas arrestimit është transferuar në ambientet e paraburgimit.

Grupi hetimor vijon punën për zbardhjen e plotë të rrethanave të kësaj ngjarjeje të rëndë, ndërkohë që nuk janë bërë ende publike detaje të tjera mbi motivet e krimit.