Një ngjarje e rëndë është regjistruar në fshatin Bulgarec, ku një 15-vjeçar ka mbetur i plagosur me thikë pas një konflikti me një bashkëmoshatar.

Sipas informacioneve paraprake, sherri ka ndodhur për motive të dobëta dhe ka degjeneruar në përdorimin e mjetit prerës.

I mituri është transportuar në Korçë, ku po merr ndihmë mjekësore. Burime bëjnë me dije se ai ka marrë tre plagë, dy në kurriz dhe një në vesh.

Ndërkohë, policia ka nisur hetimet për zbardhjen e plotë të rrethanave të ngjarjes dhe identifikimin e personit të përfshirë në konflikt.