Ushtruesja e detyrës së presidentes së Kosovës, Albulena Haxhiu, ka deklaruar se vendi duhet të shmangë zgjedhjet e jashtëzakonshme dhe të fokusohet në arritjen e një marrëveshjeje politike për zgjedhjen e presidentit të ri.

Në një deklarim për mediat, ajo theksoi se institucionet kanë përpara një agjendë të ngarkuar me reforma dhe mbi 170 projektligje, duke vlerësuar se një proces i ri zgjedhor do të dëmtonte stabilitetin institucional.

Albulena Haxhiu u shpreh se ka bërë thirrje për dialog mes partive parlamentare, duke kërkuar kompromis për të shmangur bllokimin politik dhe institucional në vend.

Ajo konfirmoi gjithashtu se ka qenë e gatshme të heqë dorë nga posti i kryetares së Kuvendit të Kosovës në funksion të arritjes së një zgjidhjeje, duke theksuar se prioritet mbetet interes i qytetarëve dhe funksionimi i institucioneve.

Deklaratat e saj vijnë në një periudhë tensionesh politike në Kosovë, ku partitë ende nuk kanë arritur konsensus për çështjen e zgjedhjes së presidentit dhe funksionimin e plotë të institucioneve.