Ushtria izraelite ka kryer sulme ajrore në Libanin jugor, menjëherë pas lëshimit të një njoftimi urgjent për evakuim për banorët e shtatë fshatrave në veri të lumit Litani, raportoi agjencia libaneze e lajmeve ANI.

Sipas të njëjtave burime, avionët luftarakë izraelitë kanë goditur zonën e Kfar Tibnit, një nga fshatrat e përfshirë në paralajmërimin e ushtrisë izraelite, ndërsa raportohet për viktima dhe dëme materiale.

Autoritetet lokale dhe mediat nuk kanë dhënë ende një bilanc të plotë të të dëmtuarve, ndërsa situata në terren mbetet e tensionuar.

Sipas raportimeve ndërkombëtare, sulmet vijnë në kuadër të tensioneve të vazhdueshme në kufirin Izrael–Liban. Mediat e huaja theksojnë se, sipas kushteve të armëpushimit të mëparshëm, Izraeli ruan të drejtën për të ndërmarrë veprime ushtarake ndaj Hezbollahut në rast të kërcënimeve të sigurisë.