Një trup i pajetë është gjetur mbrëmjen e sotme në zonën e Çardhakut, në Moravë, duke vënë në lëvizje strukturat e policisë dhe grupin hetimor.
Sipas informacioneve paraprake, viktima dyshohet të ketë qenë e zhdukur prej rreth 6 muajsh dhe është identifikuar si një shtetas endacak. Nga këqyrja e parë nuk janë konstatuar shenja dhune në trup.
Trupi është transportuar në morgun e spitalit të Korçës, ku pritet t’i nënshtrohet ekspertizës mjeko-ligjore për të përcaktuar kohën dhe shkakun e saktë të vdekjes.
Policia ka nisur hetimet për të zbardhur plotësisht rrethanat e rastit.
