Policia e Durrësit godet një tjetër rast të armëmbajtjes pa leje, ndërsa në pranga ka arrestuar 2 persona me precedentë penale.

Dy persona u arrestuan në kuadër të operacionit “Shënjestra” nga policia e Durrësit

Njoftimi Policië

Policia e Durrësit godet një tjetër rast të armëmbajtjes pa leje.

Finalizohet operacioni policor i koduar “Shënjestra”.

Operacioni i zhvilluar nga sektori i Hetimit të Krimve të Rënda në bashkëpunim me Forcën e Posaçme Operacionale në DVP Durrës dhe shërbimet e Komisariarit të Policisë Durrës, për rritjen e parametrave të sigurisë në qytet.

Arrestohen në flagrancë 2 shtetas me precedent të mëparshëm kriminal.

Sekuestrohen në cilësinë e provës materiale 3 armë zjarri pistoletë.

Sektori për Hetimin e Krimeve të Rënda në bashkëpunim me Forcën e Posaçme Operacionale në DVP Durrës në bashkëpunim me shërbimet e Komisariatit të Policisë Durrës, në vijim të punës për rritjen e parametrave të sigurisë në qytet, kapjen e personave në kërkim ose atyre që disponojnë armë zjarri me vete, në bazë të informacioneve të siguruara nga strukturat e DVP Durrës, mirëorganizuan punën dhe finalizuan me sukses operacionin policor të koduar “Shënjestra”, në kuadër të të cilit u arrestuan në flagrancë shtetasit:

Alban Mançja, 36 vjeç, i dënuar më parë për veprën penale “Trafikim të armëve” dhe Eldi Zahiri, 43 vjeç, i dënuar më parë për veprën penale “Trafikim të lëndëve narkotike”, të dy banues në Durrës.

Këta shtetas u arrestuan në flagrancë pasi në lagjen nr.4, Durrës, shërbimet e Policisë kanë ndaluar mjetin tip “Benz”, me drejtues shtetasin Alban Mançja dhe pasagjer shtetasin Eldi Zahiri Gjatë kontrollit në mjet u gjetën dhe sekuestruan në cilësinë e provës materiale 3 armë zjarri pistoletë “Zoraki” dhe automjeti me të cilin po lëviznin.

Materialet i kaluan Prokurorisë së Rrethit Gjyqësor Durrës, për veprime të mëtejshme.