Një akt i rëndë është regjistruar në jug të vendit, ku në aksin rrugor Gjirokastër–Kakavijë janë dëmtuar tabelat rrugore në gjuhën greke, të cilat janë mbuluar me bojë të zezë.
Pamjet nga vendi i ngjarjes tregojnë qartë dëmtimin e sinjalistikës, një veprim që ka shkaktuar reagime të forta dhe shqetësim te banorët e zonës, ku jeton edhe komuniteti i minoritetit grek. Sipas tyre, ky është një akt që cenon bashkëjetesën dhe respektin mes komuniteteve.
Ndërkohë, Policia e Gjirokastër ka reaguar duke bërë të mundur identifikimin e dy autorëve të dyshuar për këtë ngjarje, ndërsa hetimet vijojnë për zbardhjen e plotë të rrethanave dhe motiveve.
Autoritetet pritet të marrin masa si për rikthimin e sinjalistikës së dëmtuar, ashtu edhe për garantimin e rendit dhe harmonisë në zonë.
