Mbrëmja e djeshme në spektaklin “Ferma VIP” u shoqërua me zhvillime të forta dhe tension të lartë mes konkurrentëve, pas eliminimit të Adionit dhe kalimit në garë të Mimozës.

Situata në studio u përshkallëzua kur Ola përdori një gjuhë ofenduese ndaj moderatores Arbana Osmani gjatë transmetimit live, duke shkaktuar reagime të menjëhershme në sallë dhe në rrjetet sociale.

Incidenti lidhet me një debat të mëparshëm mes konkurrenteve, ku gjatë një momenti në “Fakiri”, ishte përdorur një fjalë fyese që më pas u rikthye në qendër të përplasjes në studio.

Ndër reagimet më të forta ishte ai i opinionistit Ermal Mamaqi, i cili shprehu zhgënjimin e tij si në transmetim live, ashtu edhe më pas në rrjetet sociale.

“Kam 25 vjet në televizion, hera e parë që ndodh kjo. Jam ndjerë shumë keq në këtë moment. Bravo Arbanës për mënyrën si e menaxhoi. Nuk di a e meriton të rrijë më aty brenda ajo vajzë… Turp i madh… e pajustifikueshme,” shkroi Mamaqi.

Ngjarja ka ndezur diskutime të gjera mbi etikën në televizion dhe sjelljen e konkurrentëve në formatet reality, ndërsa produksioni nuk ka dhënë ende një reagim zyrtar mbi incidentin.