Presidenti i Këshillit Evropian, António Costa, ka përcjellë një mesazh me rastin e Ditës së Evropës, duke theksuar rëndësinë e unitetit dhe bashkëpunimit mes vendeve evropiane.

Në mesazhin e tij, Costa u shpreh se kjo ditë simbolizon projektin e përbashkët evropian dhe arritjet që mund të realizohen kur shtetet punojnë së bashku.

“Dita e Evropës është dita juaj. Sot festojmë projektin tonë të përbashkët evropian dhe atë që mund të arrijmë kur punojmë së bashku. Të bashkuar në diversitet, ne vazhdojmë të ndërtojmë të ardhmen tonë të përbashkët të paqes, lirisë dhe mundësive”, thuhet në mesazhin e tij.

Dita e Evropës shënon themelimin e idesë së integrimit evropian dhe simbolizon procesin që ka çuar në krijimin e institucioneve aktuale të Bashkimit Evropian.