Këngëtarja Gresa Sekiraqa ka vendosur të tërhiqet nga spektakli “Ferma VIP”, pas disa ditësh të vështira brenda formatit.

Sipas deklarimeve të saj, gjendja emocionale është rënduar pas qëndrimit në zonën e quajtur “Fakiri”, si edhe pas zhvillimeve të fundit në lojë, përfshirë largimin e disa konkurrentëve si Adi dhe Ola.

Kërkesa e saj për largim është pranuar nga moderatorja Arbana Osmani, e cila gjatë transmetimit u shpreh se do të kishte preferuar që ajo të qëndronte, por vendimi i saj duhej respektuar.

“Gresa, do të insistoja siç kam bërë edhe me të tjerët të qëndroje, por nuk po e bëj. Kemi gjëra për të diskutuar, kështu që po të pres në studio”, tha Osmani gjatë emisionit.

Gjatë ditëve të fundit në fermë, Sekiraqa ka qenë në qendër të vëmendjes edhe për deklaratat e saj se ka marrë mesazhe nga menaxheri përmes dronit, si dhe për përplasjet e forta me disa prej konkurrentëve, përfshirë Mozën, me të cilën marrëdhëniet janë tensionuar ndjeshëm.

Largimi i saj pritet të sjellë zhvillime të reja në dinamikën e lojës brenda spektaklit.