Një aksident i rëndë është regjistruar pasditen e kësaj të enjteje në Tiranë, në kryqëzimin e rrugës “Bardhyl” me rrugën “Kongresi i Manastirit”.

Një motor i drejtuar nga 31-vjeçari Sejdi Milla është përplasur me një biçikletë. Si pasojë e përplasjes ka humbur jetën i moshuari Luan Pirdeni, i cili po lëvizte me biçikletë. 87-vjeçari ishte babai i ministres Adea Pirdeni.

Policia njoftoi se drejtuesi i motorit është arrestuar, ndërsa vijojnë hetimet për zbardhjen e plotë të rrethanave të aksidentit.

“Tiranë, Specialistët e qarkullimit rrugor arrestuan shtetasin S. M., 31 vjeç, pasi në kryqëzimin e rrugës “Bardhyl” me rrugën “Kongresi i Manastirit”, duke drejtuar motomjetin, është përplasur me biçikletën me të cilën lëvizte shtetasi L. P., 87 vjeç. Si pasojë e aksidentit, 87-vjeçari ka humbur jetën në spital. Grupi hetimor vijon punën për sqarimin e plotë të rrethanave të aksidentit”, njofton policia.