Një dosje e SPAK ka hedhur dritë mbi përplasjet e rënda kriminale në Shkodër, duke nxjerrë në pah detaje mbi një lokal në zonën e Dobraçit, i konsideruar si territor i njerëzve të afërt me Safet Bajri.

Sipas materialeve hetimore, në dosje janë përfshirë edhe fotografi ku shfaqen armë të llojeve të ndryshme të ekspozuara në ambientet e lokalit.

Hetuesit pretendojnë se lokali frekuentohej nga Izmir Sakicaj, Samuel Troshani, Safet Bajri, i njohur edhe me mbiemrin Rustemi, si dhe persona të tjerë të lidhur me grupin.

Në të njëjtën dosje, Izmir Sakicaj, Samuel Troshani dhe Franko Lela akuzohen si organizatorë të tentativës për vrasjen e Aleksandër Prendi në gusht të vitit 2024, në fshatin Rranxë të Bushatit.

Sipas hetimeve, atentati nuk ka përfunduar sipas planit, pasi Prendi dyshohet se kishte organizuar një pritë ndaj personave që kishin shkuar për ta ekzekutuar, duke sjellë një përplasje të armatosur mes palëve.