Një 60-vjeçar është gjetur i pajetë në banesën e tij në fshatin Zëmblak, në bashkinë Maliq.

Sipas informacioneve paraprake, dyshohet se ai mund të ketë ndërruar jetë prej rreth tre ditësh. Mësohet se 60-vjeçari jetonte i vetëm dhe dyshohet se konsumonte edhe alkool.

Nga këqyrja paraprake nuk janë konstatuar shenja dhune në trupin e viktimës.

Trupi do të dërgohet në morg për ekspertizën mjeko-ligjore, ndërsa grupi hetimor vijon punën për zbardhjen e plotë të rrethanave të ngjarjes.