Kryeministri izraelit Benjamin Netanyahu ka deklaruar se ai dhe presidenti amerikan Donald Trump kanë rënë dakord që çdo marrëveshje përfundimtare me Iranin duhet të eliminojë plotësisht kërcënimin bërthamor. Ai iu referua një bisede telefonike të zhvilluar mes dy liderëve, të cilën Trump e kishte përshkruar më herët si “shumë të mirë”.

“Presidenti Trump dhe unë ramë dakord që çdo marrëveshje përfundimtare me Iranin duhet të eliminojë plotësisht kërcënimin bërthamor. Kjo do të thotë çmontimi i objekteve të pasurimit të uraniumit të Iranit dhe heqja e materialit bërthamor të pasuruar nga territori i tij”, tha Netanyahu.

Mediat raportojnë se Netanyahu theksoi se Irani nuk duhet të pajiset me armë bërthamore dhe se qëndrimi i përbashkët i Izraelit dhe SHBA-së mbetet i pandryshuar.

“Politika ime, si ajo e Presidentit Trump, mbetet e pandryshuar: Irani nuk do të marrë armë bërthamore. Partneriteti midis dy kombeve tona është provuar në fushën e betejës dhe nuk ka qenë kurrë më i fortë”, u shpreh kryeministri izraelit.