Një aksident i rëndë me pasojë vdekjen e një fëmije 7-vjeçar është regjistruar mëngjesin e sotëm në zonën e Menglit, Elbasan.

Sipas burimeve policore, ngjarja ka ndodhur pranë shkollës ku i mituri studionte, teksa dyshohet se është përplasur nga një automjet në lëvizje.

Shkaktar i dyshuar i aksidentit është drejtuesi i mjetit, Petri Bozo, 61 vjeç, i cili është shoqëruar në komisariat për të dhënë shpjegime lidhur me rrethanat e ngjarjes.

Policia bën me dije se grupi hetimor ndodhet në vendngjarje dhe po punon për zbardhjen e plotë të shkaqeve të aksidentit fatal.