Kryetari i Partia Demokratike, Sali Berisha, ka zhvilluar një vizitë në Komuniteti Mysliman Shqiptar me rastin e festës së Kurban Bajrami.

Gjatë vizitës, Berisha uroi të gjithë besimtarët myslimanë dhe qytetarët shqiptarë, duke e cilësuar këtë festë si simbol të sakrificës dhe frymëzimit.

“Të gjithë besimtarëve myslimanë shqiptarë, por dhe të gjithë shqiptarëve që sakrifikojnë për të mirën e tyre, familjes, që sakrifikojnë për besimin tek Zoti dhe tek vendi, i uroj gëzuar këtë ditë”, deklaroi kreu i PD-së.

Berisha theksoi se Kurban Bajrami është një ditë që “simbolizon dhe frymëzon sakrificën mbi të cilën ndërtohet gjithçka e mirë në tërë historinë e njerëzimit”.

Në mesazhin e tij, ai shprehu gjithashtu urimin që festa e ardhshme të sjellë më shumë arritje dhe përmirësime për shqiptarët.

“Uroj që Bajrami tjetër të na gjejë dhe ta bëjmë më mirë”, u shpreh Sali Berisha.