Një aksident i rëndë rrugor është regjistruar në zonën e Kaninës në Vlorë, ku dy automjete janë përplasur me njëra-tjetrën.

Si pasojë e përplasjes, një prej drejtuesve të mjeteve ka mbetur në gjendje të rëndë dhe i bllokuar brenda automjetit.

Në vendngjarje kanë mbërritur menjëherë shërbimet e emergjencës, ndërsa është dashur ndërhyrja e forcave zjarrfikëse të Vlorës për të nxjerrë drejtuesin nga automjeti.

Gjithashtu, policia ndodhet në vendin e ngjarjes dhe po punon për zbardhjen e rrethanave të plota të aksidentit.