Historia mes dy ish-konkurrentëve të “Ferma VIP”, Vanesa Sono dhe Indrit Shiroka, vijon të marrë vëmendje edhe pas përfundimit të aventurës së tyre televizive.

I ftuar në emisionin “Mes’dritë” në Vizion Plus, Indri ka treguar për herë të parë se ka tentuar të rikthejë kontaktin me Vanesën për të sqaruar marrëdhënien mes tyre.

“I kam shkruar një mesazh Vanesës. Kisha dashur që ta takoja dhe për ta sqaruar, por nuk m’u përgjigj”, u shpreh ai gjatë intervistës.

Deklarata vjen pas një momenti të mëparshëm të tensionuar, kur Indrit kishte vendosur t’i jepte fund lidhjes përmes një letre të bërë publike gjatë një nate Prime, ndërsa Vanesa nuk ishte e pranishme në studio për ta pranuar atë.

Ndërkohë, Vanesa ka paralajmëruar së fundmi një projekt të ri muzikor, vargjet e të cilit janë interpretuar nga ndjekësit si një reflektim i drejtpërdrejtë i zhgënjimit të saj në këtë histori.

Situata mes tyre mbetet e paqartë, ndërsa asnjë nga palët nuk ka dhënë sinjale për një pajtim të mundshëm.