Teksa na ndan vetëm një javë nga finalja e madhe e Ferma VIP, tensionet mes konkurrentëve duket se po arrijnë kulmin.

Një debat i ashpër mes Ilir Shaqiri dhe Elvis Pupa ka sjellë akuza dhe kundërakuza, duke nxjerrë në pah qëndrimet e ndryshme të dy banorëve.

Visi mbrojti zgjedhjen e tij për të qëndruar larg konflikteve, duke theksuar se prioritet për të mbeten parimet personale dhe qetësia mendore.

“Unë ndoshta dukem idealist. Kush mua më njeh që në lagje, shkollë apo kolegë pune, nuk debatoj me asnjë. Edhe nëse dal sot, dua të jap një mesazh në publik dhe të mbaj parimet e mia. Nuk ka asnjë dallavere. Ekzistojnë njerëz të ndryshëm dhe secili ka të drejtë të jetojë si të dojë. Unë ruaj energjinë time dhe shëndetin tim mendor dhe nuk debatoj kot. Ti më jep energji negative”, iu drejtua ai Ilirit.

Nga ana tjetër, Ilir Shaqiri e kritikoi qëndrimin e Visit në lojë, duke e akuzuar se qëndron në prapavijë dhe komenton nga larg.

“Ti ke zgjedhur të rrish në prapavijë dhe të komentosh cepave. Ti ke një gabim, se kur fillon të predikosh, vetëm flet. Që kur kam hyrë unë, ti e ke filluar muhabetin mbrapsht, sepse ke menduar se kam hyrë me mision”, deklaroi Iliri.

Përplasja mes dy konkurrentëve vjen në një moment vendimtar të garës, kur çdo debat dhe qëndrim i banorëve po ndiqet me interes të madh nga publiku, vetëm pak ditë para finales së madhe.