Akademikja dhe autorja shqiptare Lea Ypi ka reaguar sërish lidhur me protestën masive që po zhvillohet prej ditësh në Tiranë.

Përmes një postimi në rrjetet sociale, Ypi ka ndarë një fotografi nga tubimi i qytetarëve në kryeqytet, ku shihen mijëra protestues të mbledhur në sheshin para Kryeministrisë.

Krahas fotos, ajo ka zgjedhur të përcjellë vetëm dy fjalë:

“Shumë krenare”.

Postimi është shoqëruar edhe me këngën “Dua më shumë Shqipërinë”, ndërsa ka marrë vëmendje dhe reagime të shumta nga ndjekësit e saj.

Reagimi i Lea Ypit vjen në një moment kur protestat kundër qeverisë dhe kryeministrit Edi Rama kanë hyrë në ditën e 11-të, me pjesëmarrje të lartë qytetare dhe marshime të përditshme në rrugët e Tirana.

Postimi i autores është interpretuar nga shumë komentues si një shprehje mbështetjeje për mobilizimin qytetar, ndërsa protesta vijon të mbetet në qendër të debatit publik dhe politik në vend.