Të tjera detaje dalin në dritë nga arrestimi i burrit biznesmen të modeles shqiptar, Angela Martini. Dragos Savulescun u arrestua në Mykonos, teksa po bënte pushime luksoze me shqiptaren.

Sipas medias rumune G4Media.ro, disa foto dhe video të publikuara në Instagram nga Angela dhe një shoqe e saj, modelja italiane Marica Pellegrinelli, nga ishulli grek i Mykonos, ku mund të shihej edhe Dragoș Săvulescu, bën që miliarderi të arrestohej.

Savulescu ishte shpallur në kërkim nga autoritetet rumune, pasi ishte dënuar për përvetësim të fondeve publike. Ka qenë modelja shqiptare ajo që ka zbuluar herë pas here foto, ku shihej edhe bashkëshorti i saj.

Tashmë Angela Martini ka fshirë të gjitha “story-t” dhe lokacionet nga fotografitë e saj.

Dragoș Savulescu, në fillim të vitit 2019 u arrestua dhe u dënua me 5.5 vjet burg për përvetësim, së bashku me ish-kryebashkiakun e Konstancës dhe të pandehur të tjerë që u shpallën fajtorë për përvetësimin e një totali prej 114 milionë eurosh.

Urdhri i arrestit për Savulescu u lëshua nga Interpoli me kërkesë të autoriteteve rumune për pjesëmarrje në një organizatë kriminale dhe për mashtrim kundër shtetit.