Është bërë publik emri i shqiptarit që dy ditë më parë i dha fund jetës në një burg të Spanjës. Bëhet fjalë për Jurgen Ramën, me origjinë nga Burreli, i cili ndodhej në burgun Lleida Ponent, në Katalonjë.

Sipas raportimeve nga të burgosur shqiptarë në këtë institucion, Jurgen Rama kishte kaluar një periudhë të vështirë psikologjike gjatë kohës që ndodhej në burg.

Mësohet se ai kishte humbur vëllain në një aksident, ndërsa vetë ndodhej pas hekurave dhe ishte në pritje të lirimit. Sipas të burgosurve, zvarritjet e proceseve gjyqësore në Spanjë kishin ndikuar më tej në gjendjen e tij psikologjike.

Raportohet gjithashtu se Rama kishte tentuar t’i jepte fund jetës edhe më 16 gusht, por ishte shpëtuar në kohë nga disa shqiptarë me të cilët ndante qelinë.

Dy ditë më vonë, ai humbi jetën në burgun Lleida Ponent. Autoritetet spanjolle vijojnë hetimet për rrethanat e ngjarjes.