Një ngjarje tragjike ka ndodhur mbrëmjen e së enjtes në Farkë, ku një fëmijë rreth 1 vjeç e gjysmë ka humbur jetën pasi u përplas nga një automjet.

Sipas Policisë, 24-vjeçari me inicialet A. T. ishte duke kryer një manovër për të lëvizur mbrapa me automjetin, kur dyshohet se ka goditur aksidentalisht vajzën e vogël.

Për shkak të plagëve të marra, fëmija nuk ka mundur të mbijetojë dhe ka ndërruar jetë.

Pas ngjarjes, Policia ka arrestuar 24-vjeçarin, ndërsa grupi hetimor vijon punën për të dokumentuar plotësisht rrethanat dhe dinamikën e aksidentit tragjik.