Tre persona kanë mbetur të plagosur me thikë mbrëmjen e së mërkurës në Sarandë, pas një konflikti të ndodhur në një subjekt tregtar pranë shëtitores së qytetit.

Ngjarja ka ndodhur rreth orës 21:55, në lagjen nr. 1 të Sarandës.

Të plagosurit janë transportuar drejt urgjencës së Spitalit të Sarandës, ku po marrin ndihmën mjekësore. Deri tani, identitetet dhe gjendja e tyre shëndetësore nuk janë bërë të ditura.

Paraprakisht dyshohet se konflikti ka ndodhur për motive të dobëta, ndërsa policia ka nisur hetimet për të zbardhur rrethanat e ngjarjes dhe për të identifikuar personat e përfshirë.

Grupi hetimor po punon për dokumentimin e plotë të ngjarjes dhe përcaktimin e përgjegjësive.