Shifrat e larta të infektimeve dhe ato të vdekjeve nga COVID-19 kanë bërë që Qeveria e Kosovës të shtrëngoj masat antiCovid.

Ditën e sotme (datë 30 gusht 2021) kanë hyrë në fuqi masat e reja të anti-COVID në Kosovë.

Një prej masave të marra është për qytetarët që hyjnë në Kosovë, të cilët duhet të kenë dëshmi të vaksinimit, test PCR në 72 orët e fundit apo test serologjik në 30 ditët e fundit.

Kjo ka sjellë një fluks të shtuar në pikën kufitare të Morinës. Qindra udhëtarë nuk janë lejuar të futen për në Kosovë, pasi tanimë kërkohet që të jenë të pajisur me pasaportë vaksinimi dhe test COVID negativ.

Në shenjë proteste, disa qytetarë shqiptarë, kanë bllokuar me makinë pikën hyrëse, sepse nga krahu tjetër, qytetarët nga Kosova në drejtim të Shqipërisë lëvizin lirisht. Është nevojitur ndërhyrja e policisë që ata të hapnin rrugën.