Në fjalën e saj në mbledhjen e komitetit të eskpertëve, ministrja e Shëndetisisë Ogerta Manastirliu ndërsa komentoi situatën e covid si pasojë e shtimit të rasteve me variantin Delta, tha se mbetet shqetësuese mes moshave të reja, ka raste të formave të rënda të sëmundje.
“E dhëna tjetër shqetësuese është se mes moshave të reja, ka raste të formave të rënda të sëmundjes.
Ndërkohë, e përsëris se pavarësisht moshës, për ata pak qytetarë të vaksinuar që janë prekur nga ky variant i ri dhe janë spitalizuar, në shumicën dërrmuese të tyre mjekët më informojnë se nuk kanë shfaqur rrezik për jetën si rezultat i krijimi të mbrojtjes imunitare nga vaksina. Neglizhenca dhe refuzimi i vaksinës, deri pak javë më parë, kur regjistronim 0 vdekje dhe shumë pak infeksione, mund të ishin reagime të kuptueshme, edhe pse aspak të arsyeshme.
Sot, qasja indiferente ndaj thirrjes për t’u vaksinuar dhe mosvaksinimi ndërkohë që rreziku rritet përditë, janë thjesht të papranueshme. Sepse sot, në Shqipëri ashtu si kudo në botë, mosvaksinimi është bërë një pengesë e rrezikshme në përballimin e valës së re të infektimeve. Kjo sjellje ia shumëfishon forcën goditëse Armikut të Padukshëm.” tha Manastirliu.
Zërat më autoritarë të shkencës dhe mjekësisë në botë, janë UNANIME NË KËTË PIKË: Vaksina shmang format e rënda të sëmundjes dhe fatalitetet. Vaksina bën dallimin a madh, mes jetës dhe vdekjes. Zgjedhja për të bërë apo jo vaksinën nuk është thjesht personale. Nuk është rasti klasik “ç’punë ke ti ç’bëj unë me trupin tim”. Jo! Refuzimi i armës mbrojtëse, që sot çdo qytetar e ka në dispozicion, falas, në çdo qendër shëndetësore në çdo cep të Shqipërisë, vë në rrezik jo vetëm jetën e kujt refuzon.
Ai vë në rrezik jetën e familjarëve. Vë në rrezik jetën e miqve. Vë në rrezik jetën e shoqeve dhe shokëve në klasë apo auditor, të kolegëve e kolegeve në vendin e punës.” tha Manastirliu.
Manastirliu ka lajmëruar gjithashtu se shumë shpejt vaksinimi anti Covid do të bëhet i detyruar për disa kategori personash.
“Ndaj shtatori do jetë muaji i dytë i hapur për vaksinimin.
Do nisim shumë shpejt zbatimin e një plani për kalimin në një fazë tjetër të fushatës së vaksinimit ku detyrimi i disa katrgorive për t’u vaksinuar do bëhet në emër të së drejtës së të tjerëve për të mos u infektuar. Ne do e bëjmë pa humbur kohë në ditët në vijim”, u shpreh ministrja në mbledhjen e Komitetit Teknik të Ekspertëve.
