Ambasada Amerikane në Tiranë ka dhënë një mesazh në ditën e Shenjtërimit të Nënë Terezës, shenjtores shqiptare që fitoi Çmimin Nobel për Paqe.
Ambasada Amerikane thekson se në këtë ditë, na kujtohet rëndësia e bamirësisë, vullnetarizmit dhe filantropisë.
Mesazhi i Ambasadës Amerikane
Komuniteti global përkujton sot Ditën Ndërkombëtare të Bamirësisë dhe nderon Nënë Terezën, misionaren me origjinë shqiptare, murgeshën, fituesen e Çmimit Nobel për Paqe dhe shenjtoren, e cila i kushtoi jetën e saj lehtësimit të vuajtjeve dhe dhimbjeve të më fatkeqëve. Shqipëria përkujton gjithashtu Ditën Kombëtare të Nënë Terezës në këtë rast. Në këtë ditë, na kujtohet rëndësia e bamirësisë, vullnetarizmit dhe filantropisë. Na kujtohet fuqia e madhe e dashurisë dhe kujdesit, dhe siç ka thënë Nënë Tereza; “Ka më shumë uri për dashuri dhe vlerësim në këtë botë sesa për bukë”.
