Pas mbledhjes në një prononcim për media Gjiknuri ka thënë se puna e PS do të fokusohet tek analiza postzgjedhore dhe ristrukturimi i partisë.
Sekretari i Përgjithshëm i PS-së Damian Gjiknuri, paralajmëroi sot se viti i ri do e gjejë PS të riorganizuar pas një analize që do të bëhet për rezultatin që partia mori në zgjedhjet e 25 prillit.
Lidhur me pakënaqësi të mundshme që janë krijuar brenda PS pas Asamblesë Kombëtare të partisë pak ditë më parë, Gjiknuri tha se këto mund të jenë anektoda.
”Do të ndërtohet një proces, analizat postzgjedhor dhe për të ristrukturuar partinë për të përballuar sfidën. Mandati i tretë është gjithmonë i vështirë, qeverisja ka koston e saj dhe puna ku duhet të bazohet PS dhe angazhimi do të jetë garanci që kjo parti të mbetet parti lider në politikë bërjen.
Qëllimi i afatit është përmbyllja e analizave të Kongresit në qershor, njëkohësisht doi vlejë gjithë ekipit të PS për projeksionin e ri, është afat i mjaftueshëm dhe për të dalë me një platformë që do vite për tu implementuar. Partitë përballimin e tyre apo testimin e aftësive e kanë kur vijnë zgjedhjet, do të kemi brenda 2 vjetësh zgjedhje, dhe pas 4 vitesh. Është koha e mjaftueshme për të testuar organizimin e ri.
Do të zgjasë deri në fund të vitit, fillimi i vitit do e gjejë PS edhe me një statut të ri dhe organizim të ri. Sfidat që kërkon mandati i tretë, e ka thënë dhe Rama, është i vështirë, PS ka eksperiencë. Duhet të reflektojmë. Ka dhe probleme që duhet të reflektojmë.
Nuk e di pakënaqësinë. Brenda një organizate ka dhe pritshmëri të ndryshme. Janë gjëra të një prcesi që do të vazhdojë e do të fashitet rrugës. Nuk shoh ndonjë problem.”- tha Gjiknuri.
I pyetur dhe për pozicionin e ri të tij, që e mbante më parë Taulant Balla, Gjiknuri tha se kjo lëvizje është bërë për riogranizim të ri e jo për të ulur dikë apo ngritur dikë.
”Z.Balla ka një detyrë shumë të rëndësishme, mendoj ndarja e dy funksioneve gjithmonë është bërë për në funksion të riorganizimit më të mirë, s’ka pasur qëllim të zvogëlojë dikë apo të rrisë dikë tjetër.”- deklaroi ai.
