Kryetari i Partisë Socialdemokrate, Dardan Molliqaj, bashkëshorti i ish-ministres së Arsimit, Besa Shahini është arrestuar nga Policia e Kosovës.

Dardan Molliqaj së bashku me aktivistë të tjerë të partisë kundërshtuan sot konferencës e zëdhënëses së Gjykatës Speciale,Ekaterina Trendafilova deri në ndalimin e fjalimit të saj me ovacione e fërshëllima.

Lajmin për arrestimin e tyre e ka konfirmuar, zëdhënësja e PSD-së, Natyra Kuçi.

Sipas mediave kosovare, aktivistët e kësaj partie, Bardh Ahmeti dhe Visar Perolli, kanë hyrë në vendin ku po mbahej konferenca, duke fishkëllyer drejt kryetares së Speciales. Aktivistë të tjerë kanë shkruar “Non Grata” në një nga makinat e EULEX-it. 

“Nuk mund ta lejojmë të kalojë në qetësi, është përfaqësuese e një gjykate të padrejtë që nuk mund të sjellë qetësi, duan ta ndryshojnë historinë e luftës së Kosovës, duke e bërë si një luftë që ka ndodhë në mes të dy agresorëve, e jo si një luftë për liri”, thanë aktivistët e PSD-së.

Në pamjet e siguruara nga mediat e Kosovës, duket Molliqaj i gjakosur në kokë dhe i shtrirë teksa polici i ka vendosur gjurin në fyt.

Dardan Molliqaj ndryshe njihet si bashkëshorti i Besa Shahinit, politikania nga Kosova që shërbeu në Shqipëri për më pak se dy vite si Ministre e Arsimit. Ata u martuan në vitin 2019 kur Shahini ishte ende ministre kurse Molliqaj vetëm deputet i Parlamentit të Kosovës.