Kryeministri Edi Rama dhe ministrat e rinj të kabinetit qeveritar do të betohen ditën e nesërme tek Presidenti Ilir Meta.
Në fund të seancës maratonë, kryetarja e Kuvendit, Lindita Nikolla, bëri të ditur rezultatin, prej ku 77 deputetë kanë dhënë votën pro programit të qeverisë së re, 53 kanë votuar kundër dhe 1 abstenim.
Seanca plenare nisi ditën e djeshme në orën 10:00 dhe vijoi deri në orët e para të mëngjesit të sotëm.
Gjatë seancës së zhvilluar pasdite, ka pasur debate mes opozitës dhe mazhorancës. Opozita kërkonte kryeministrin Rama të ishte në Kuvend i cili u vonua me dy orë nga nisja e sesionit.