Presidentja e Komisionit Europian, Ursula von der Leyen mbërriti mëngjesin e sotëm rreth orës 9:00 në Pallatin e Brigadave në Tiranë ku u prit me një ceremoni zyrtare nga kryeministri i Shqipërisë Edi Rama.
Pak para nisjes së vizitës zyrtare ne Shqiperi, Preidentja e KE ka dhënë një mesazh të qartë në rrjetet sociale ku shkruante se me vendet e Ballkanit Perëndimor, ndan një të ardhme të përbashkët evropiane.
Presidentja thekson se përgatitjet kanë filluar që tani duke kapërcyer COVID, investuar në mënyrë strategjike apo duke i dhënë mundësi rinisë sonë.
Statusi nga Ursula von der Leyen
“Sot filloj vizitën time në gjashtë partnerët tanë të Ballkanit Perëndimor përpara Samitit tonë javën e ardhshme. Mesazhi im është i qartë: ne ndajmë një të ardhme të përbashkët evropiane. Ne jemi duke e përgatitur atë tani. Duke kapërcyer COVID, së bashku. Duke investuar në mënyrë strategjike. Duke u dhënë mundësi të rinjve tanë”, shkruajti Leyen.
