Një ish-efektiv i Policisë së Shtetit u ekzekutua me armë zjarri mëngjesin e së hënës në qytetin e Laçit.
Ishte ora 07 e 23 minuta, kur 61-vjeçari, Xhelal Reçi, po shkonte për të hapur bizneset në pronësi të tij në qendër të qytetit, kur persona të paidentifikuar e kanë qëlluar me armë zjarri, duke i shkaktuar vdekjen e menjëhershme.
Xhelal Reçi mori një plumb në gjoks dhe me reflekset e ish-policit ka tentuar t’i shpëtojë sulmit duke hyrë në një rrugicë mes dy ndërtesave në zonë. Por, plaga që kishte marrë ishte vdekjeprurëse dhe ai humbi menjëherë jetën.
Detaje të reja kanë dalë në dritë nga vrasja e 61-vjeçarit Xhelal Reçi.
Pista kryesore mbi të cilën po heton policia është ajo e konfliktit të të birit, Besnik Reçi, të cilit një vit më parë, iu bë atentat nga persona të armatosur, në rrugën Lezhë-Shkodër, por për fat të mirë, arriti të mbijetonte dhe ta kalonte këtë episod pa u lënduarP
Besnik Reçi, dyshohet se ka qenë i implikuar në disa ngjarje në qytetin e Laçit. Lidhur me atentatit që iu bë babait të tij, Xhelalit, policia ka shoqëruar deri më tani 25 persona, por pa rënë konkretisht në gjurmët e autorëve. Pas kryerjes së vrasjes, dyshohet se autorët dogjën makinën që u përdor për krimin, një mjet tip “Toytota” me targa të huaja, në afërsi të lumit.
