Tre persona janë marrë nën hetim nga prokuroria e Krujës në lidhje me helmimin e rreth 600 qytetarëve të shkaktuar nga ndotja e ujit ditë më parë.

Nën hetim janë shetasit:

Ledio Çela Administrator i Ujësjellës Kanalizimeve Krujë

Andi Kupa  Drejtues teknik

Ervin Karafili  Shef i Shërbimit të Epidemologjisë dhe Higjenës Krujë

Të tre këta persona dyshohen se janë përgjegjës për kryerjen e veprës penale “Shpërdorim i Detyrës” që me veprimet e tyre kanë lejuar ndotjen e ujit të pijshëm dhe dëmtimin e shëndetit të qytetarëve të Krujës.

Prokuroria e Rrethit Gjyqësor Krujë i ka pezulluar po ashtu edhe nga detyra të tre shtetasit.