Kryeministri Edi Rama nisi sot një fushatë ndërgjegjësuese nga Elbasani, ku prezantoi platformën e Bashkëqeverisjes “Shqipëria që duam”.

Gjatë bisedës me qytetarët kryeministri Rama duke bërë batuta me ta, përmendi faktin që nuk ka patentë dhe nuk ka për ta mësuar kurrë makinën.

“Fjala vjen Edi Rama ka aplikuar për patentë makinë, gjë që nuk kam për ta bërë ndonjëherë sepse nuk jam i zoti të ngas makinë, plus i kam edhe këmbët e gjata, është shumë e ngatërrume, por ta zëmë. Kam aplikuar për të marrë një patentë dhe më duhen 7 dokumente të tjera, këta të drejtorisë që më japin patentën nuk duhet të më shohin më me sy, por do punojnë që edhe ato 7 dokumenta do ti marrin ata për mua.

Qytetarët do jenë rehat, nuk do kenë më përballë fytyra që bëjnë sikur u dhëmbë koka, sikur nuk kanë kohë, sikur do shkojnë ti japin qumësht fëmijës që është 29 vjec, sikur i ka vdekur vjehrra për herën e 9-të, dmth hajde nesër, hajde pasnesër, dmth kuptojë duhet të paguash ndonjë lekë, dmth nuk do ketë me nga këto”, tha Rama.