Sali Berisha u shpreh i vendosur se ditën e nesërme dyert e selisë së Partisë Demokratike do të hapen nga anëtarësia e kësaj force politike.

Përmes një deklarate për media nga ambientet e jashtme të selisë së PD, Berisha u shpreh me ironi se blindat e vendosura për fortifikim në dyert e selisë do të hiqen dhe do t’i dërgohen me kamion afër shtëpisë Lulzim Bashës që t’i përdorë për çfarë të dojë.

“Absolutisht kemi informacione i kemi të regjistruar dhe ftoj ata dhe familjet e tyre t’i nxjerrin nga selia të shkojnë në shtëpitë e tyre, të mos bëjnë mercenarin se do të përballen me pasoja të rënda. I kemi të identifikuar me emra. Përgjegjësi kryesor është Lulzim Basha i cili për fotot e publikuara dje, nxori zëdhënësin dhe tha që janë të dy viteve më përpara.

Nuk ka asnjë diskutim që dyert do hapen në mënyrën më të vendosur, që selia do tu rikthehet demokratëve. Nuk ka blind apo beton që mund të pengojë demokratët të rikthejnë këtë ndërtesë nga burg në ndërtesë të lirisë. Ju informoj se çdo blind i vendosur në këtë ndërtesë do të ngarkohet në një kamion dhe t’i çohet Lulzim Bravës afër shtëpisë ta përdorë për çfarë të dojë”, tha Berisha.