Janë shënuar tensionet dhe incidentet e para në ambientet e jashtme të selisë së Partisë Demokratike, para para se te nise protesta e thirrur nga ish kryeministri Sali Berisha.

Teksa sekretari i PD-së Roland Bejko ka tentuar që të hyjë në seli, është penguar nga mbështetës të Berishës. Ka pasur dhe konfrontime fizike.

Tensioni dhe perplasja ka vijuar edhe jashte ambienteve te PD-se, ne rruge, ku nje grup personash e kane shtyre dhe goditur Roland Bejkon.

Protetueesit i kanë treguar kartën e anëtarësisë dhe e kanë shtyrë Bejkon, ndërkohë që një prej tyre ka tentuar ta godasë edhe me çadër.

Roland Bejko është larguar nga ambientet e PD-së dhe nuk ka mundur dot të hyjë për të qenë i pranishëm në mbledhjen e Kolegjit të Kryetarëve.