Policia e Shtetit ka reaguar në një deklarate zyrtare lidhur me protestën që po zhvillohet përpara selisë blu.

Bëhet me dije se policia nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.

‘Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.

Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit’, njofton policia.

Kujtojmë që protesta e thirrur nga Sali Berisha është përfshirë nga incidentet dhe kaosi që në nisje të saj, ku janë shqyer dyert e jashtme të selisë, janë thyer xhamat dhe protestuesit tentojnë të futen në seli.