Më në fund, Amadeus ka zbuluar se kush do t’i bashkohet në skenën e ‘Ariston’ në Sanremon e këtij viti. Producenti i njohur ka zbuluar këtë të martë për Tg1 se kush do të jenë mysafirët e këtij viti.

Emrat janë shumë të njohur për të gjithë, madje një pjesë e tyre edhe mjaft nostalgjikë; Ornella Muti, Lorena Cesarini, Drusilla Foer, Maria Chiara Giannetta dhe Sabrina Ferilli.

Emri i parë i bërë publik është ai i aktores Maria Chiara Giannetta, e cila vjen pas një suksesi të madh në “Blanca”. Giannetta do të jetë së bashku me Amadeus mbrëmjen e së premtes. Por para saj do të jetë aktorja e famshme Ornella Muti, e cila do t’i bashkohet Amadeus të martën. Pas saj, aktorja Suburra Lorena Cesarini dhe Drusilla Foer, përkatësisht të mërkurën dhe të enjten. Ndërsa në finale, do ta prezantojë Sabrina Ferilli.

Festivali do të mbahet nga data 1 deri më 5 shkurt 2022. Këngët konkurruese janë 25, të gjitha në një kategori, pa dallim mes profesionistëve dhe të rinjve.

Edhe këtë vit në skenën e ‘Ariston’ do të jenë disa të ftuar, që nga Cheço Zalone dhe Cesare Cremonini, të cilët tashmë janë publikuar.