Ish-kryeministri Sali Berisha ka shpërndarë në rrjetin e tij social në Facebook, një lajm sipas të cilit ekziston një plan për ndërtimin në truallin e Partisë Demokratike të disa kullave të larta, që do të shërbejnë si njësi banimi dhe shërbimi, por edhe si hotele.

Partia Demokratike i është përgjigjur pretendimit të ish-kryeministrit Sali Berisha dhe e ka kosnideruar mashtrim dhe gënjeshtrën e radhës pasi selia blu është pronë publike.

Në reagimin e saj, Partia Demokratike e cilëson shpërndarjen e këtij lajmi si një manovër dhe gënjeshtër të ish-kryeministrit Berisha për të shmangur vëmendjen nga dhuna e protestës së ushtruar më 8 Janar.

PD shkruan se ajo është shtëpia e demokratëve, nuk është bunkeri i Sali Berishës e aq më pak hapsira e pastrimit të parave të ortakeve të tij.

SQARIM PËR OPINIONIN PUBLIK NGA PARTIA DEMOKRATIKE E SHQIPËRISË

Për të hequr vëmendjen nga dhuna që Sali Berisha dhe banda e tij ushtruan me 8 janar, ai ka shpërndarë një gënjeshtër alla Sali gjate ditës së sotme. Kjo është vetëm një gënjeshtër e re, mashtrimi i rradhës i Sali Berishës.

Sqarojmë gjithë opinionin publik se selia e Partisë Demokratike është pronë publike. Ajo është shtëpia e demokratëve, nuk është bunkeri i Sali Berishës e aq më pak hapsira e pastrimit të parave të ortakeve të tij.